Ang SPECIAL EDITION ng IFC ay inilalabas lamang kasabay ng mga mahahalagang kabanata at pagdiriwang ng mga makasaysayang kaganapan na ipinamalas at ipinamana ng ating mga ninuno at mga bayani sa atin sa kasalukuyan. Layunin nito na magbigay pugay sa kadakilaang ambag ng mga lahing kayumanggi. 

Ang TRIBAL ART Series ay ang koleksyon ng iba't ibang disenyo ng kultura, tradition, at mga pambansang sagisag na kinatatampukan ng ating mga sinaunang sulat. Tara at ipagmalaki ang sariling atin.

Ang BAYANI LIFE Series ay ang koleksyon ng iba't ibang disenyo ng buhay at kadakilaan ng ating mga bayani. Tampok ang kanilang sagisag, bansag, panulat, kontribusyon, at propesyon. Halina at kilalanin natin ang ating mga dakilang bayani. 

Ang MAKABAYAN Series ay kinatatampukan ng mga kataga o pahayag na naglalarawan sa pagmamahal sa ating bayan. Isuot at ipagmalaki ang sariling atin! 

Ang IFC ART Series ay binubuo ng iba't ibang katipunan ng Logo ng Indio Filipino na inanyuan upang maghatid ng mensahe ng ating kultura, tradisyon, at kahulugan ng ating ugat magmula noon hanggang sa kasalukuyan. 

Ang BAYBAYIN ART Series ay binubuo ng iba't ibang likhang sining na ginagamitan ng mga katutubong sulat. Nilikha at pinag-isipan upang magmulat na tayo ay may pamanang mga sulat mula sa ugat ng ating lahi.

Ang KATAGA SERIES  ay binubuo ng mga matatalinhagang salita upang himukin at gisingin ang pagiging makabayan ng bawat lahi ng ating bayan. Ito ay may layuning magbuklod; hindi para tumuligsa at magdulot ng pagkawatak-watak.

Ang FOLKLORE Series ay binubuo ng mga alamat, mito, kuwentong bayan, bugtong, salawikain, sawikain, at maraming pang iba. Isa itong bahagi ng ating lahi na  magsasalamin sa napakalawak nating kultura at kasaysayan.

Kapag napipi ang dila, sining ang magsasalita. Ito ang LIKHANG SINING!

Layunin nating ibahagi ang 50% ng kita ng bawat kasuotang mabibili na kabilang sa katipunang ito sa mga pampublikong paaralan at pagamutan upang labanan ang COVID-19, cancer, at iba pang mga karamdaman. 

Sa ating pagtutulungan, unti-unti tayong babangon. Bayanihan buhay! Mapagmalasakit.